Hamjamiyat qoidalari

1. Hurmat bilan yozing

• Haqorat, tahdid, kamsitish va nafrat uyg‘otuvchi so‘zlar taqiqlanadi.
• Bahslashing, lekin shaxsiyatga o‘tmang.

2. Shaxsiy ma’lumotlarni asrang

• Telefon raqami, manzil, pasport yoki ARC raqamini ochiq yozmang.
• Boshqa odamning rasmi yoki ma’lumotini uning roziligisiz joylamang.

3. Taqiqlangan postlar

• Firibgarlik, moliyaviy piramida va “tez boyish” takliflari.
• Norasmiy pul o‘tkazmalari va valyuta ayirboshlash.
• Soxta hujjat, viza yoki noqonuniy ish joyi takliflari.
• Dori-darmon, tamaki, alkogol va boshqa cheklangan tovarlar savdosi.
• Bir xil reklamani takror-takror joylash (spam).
• Yolg‘on xabar va tekshirilmagan vahimali ma’lumotlar.

Mahsulot yoki xizmat sotmoqchi bo‘lsangiz, buning uchun do‘kon yoki xizmat profili oching.

4. Uchrashuvlarda ehtiyot bo‘ling

• Notanish odam bilan jamoat joyida uchrashing.
• Imkon bo‘lsa, uch yoki undan ko‘p kishi bo‘lib uchrashing.
• Oldindan pul o‘tkazmang.
• Xavf sezsangiz, darhol politsiyaga (112) murojaat qiling.

5. Maslahat mutaxassis xulosasi emas

Viza, huquq, soliq va tibbiyot bo‘yicha javoblar foydalanuvchilarning shaxsiy tajribasi. Muhim qaror oldidan rasmiy manba yoki mutaxassisga murojaat qiling (immigratsiya: 1345).

6. Qoidabuzarlik bo‘lsa

Har bir post va izoh ostida “Shikoyat qilish” tugmasi bor. Moderator qoidaga zid kontentni yashiradi, takroriy yoki jiddiy holatda hisobni cheklaydi. Postlaringiz uchun o‘zingiz javobgarsiz.